Premian daudenen bizi-kalitatea hobetzen lagundu nahi dugu, bizi daitezen beren etxean zainduta, beren erara eta beren ohiturekin. Horregatik, MUGATek adineko eta mendeko bakoitzaren autonomia pertsonala sustatzen du eta pertsona guztiei zor zaien erabakitzeko ahalmena bideratzen du: bakoitzak desiratzen duen zaintza kudeatzen laguntzen dugu.
MUGATen pertsonekin batera hazi nahi dugu, erabiltzaileek eta beren familiek aurkitzen dituzten oztopoak gainditzen lagundu, bizi-kalitate hobeago baten bila. Horregatik, autonomia pertsonala indartzen eta norberaren gaitasunak sustatzen saiatzen gara, bakoitza bere bizitzaren parte-hartzailea eta jabea izan dadin eta, hartara, nola zaindua izan nahi duen bere ekimenez erabaki dezan. Baina, ahaztu gabe familia puzzlearen atal nagusia dela eta denok prozesu honen partaideak garela.
MUGATen pertsonengan sinesten dugu. Bakoitzak bere beharrak ditu eta behar horiek bat egin behar dute norberaren ibilbidearekin; horregatik, bakoitzarentzat berariazko zerbitzua diseinatzen dugu. Diseinuaren prozesu horretan, ezinbestekoa da pertsonen beharretan eta gaitasunetan oinarritzea, oztopoak gainditu eta aurrera egin ahal izateko. Horretarako behar-beharrezkoa da konfiantzazko inguruneak eta harremanak sortzea: gertutasunez eta gardentasunez jokatzea. Apaltasunez eta leialtasunez lan eginez, oztopo txikiak gainditu daitezke eta beharrean dagoenaren bizimodua hobetzen lagundu. Hitz batean, KALITATEZKO BIZIMODUA lor daiteke
